ახალი სათამაშოები
Samurai Jack-ის დაბრუნება ეს-ესაა ახლოვდება (11 მარტი) და ჩვენ მივიღეთ პატარა სეგმენტი ახალი სეზონის ერთ-ერთი ეპიზოდიდან, რომელშიც ნაჩვენებია ჯეკის მცდელობა, გადაარჩინოს მახეში გაბმული ოჯახი, და ამ პროცესში დემონსტრირებულია მისი ახალი საბრძოლო სტილი, აბჯარი და მოტოციკლეტი.
 |
ჯეკი დაბრუნდა, ამჯერად ახალი არსენალით.
|
თუმცა ისმის ერთი შეკითხვა - სადაა ჯეკის ხმალი? ამასთან დაკავშირებით არსებობს რამდენიმე ვარიანტი. შესაძლოა ჯეკს, იმის მერე რაც მან ხმლით პირველად მოკლა ადამიანი (როგორც დაპირებულია ერთ-ერთ ეპიზოდში), მის ხმალზე წარმოდგენა შეეცვალა. ან შეიძლება მას უბრალოდ წაართვეს და უკან უნდა დაიბრუნოს.
მაგრამ ეს ყველაფერი არ არის - ჯეკს აქვს ახალი აბჯარი, პისტოლეტი და მოტოციკლეტიც კი.
შეგახსენებთ, ამ სეზონს ექნება ჯამში 10 ეპიზოდი. ის წინებთან შედარებით უფრო მაღალ ასაკობრივ კატეგორიაზეა გათვლილი (ბოლოს და ბოლოს Adult Swim-ზე უნდა ჰქონდეს პრემიერა) . ახალი Sneak Peek ვიდეო შეგიძლიათ ქვემოთ იხილოთ.
