Razer Orbweaver Chroma - განხილვა

თუ FPS, RTS ან MMORPG მოთამაშე ხართ, მაშინ Razer Orbweaver Chroma თქვენთვისაა.

ტექნიკური სპეციფიკაციები:

• პლატფორმა: PC / Mac / Linux
• სვიჩები: Razer Green
• ღილაკები: 20 მექანიკური, 1 პედალი ცერა თითისთვის, 1 ღილაკი ცერა თითისთვის - ყველა პროგრამირებადი
• სისტემური მოთხოვნილებები: ერთი USB port, Windows XP / Vista / 7 / 8 / 10, Mac OS X 10.8, Linux kernel version 3.19
• კაბელის სიგრძე: 180 სმ, დაწნული

ფასი და მომწოდებლის ინფორმაცია:

• მომწოდებელი: Razer
• მისამართი: www.razerzone.com
• ფასი: US$129.99

სანამ განხილვას დავიწყებთ, უნდა ვთქვათ რომ Orbweaver Chroma 2013 წელს გამოსული Orbweaver-ის განახლებული ვერსიაა. მექანიკური კლავიატურა Orbweaver Chroma კი პირველად Gamescom-ზე დაანონსდა და ის 2015 წლის აგვისტოში გამოვიდა.

განახლებული კლავიატურის დიზაინი არ შეცვლილა. Orbweaver-ს აქვს 20 კლავიში, რომელიც თქვენი თითებისთვის ადვილად მისაწვდომია. კლავიატურა საუკეთესოა პატარა სივრცეში გამოსაყენებლად, ხოლო თუ თქვენთვის სივრცე პრობლემა არ არის, შეგიძლიათ Orbweaver Chroma - Blackwidow Chroma-თი ჩაანაცვლოთ.

Razer Chroma Configurator - მისი გამოყენება Razer Synapse-ით არის შესაძლებელი

Razer Orbweaver Chroma-ს აქვს უკანა განათება. თქვენ საშუალება გაქვთ 16.8 მილიონი ფერიდან აარჩიოთ სასურველი ფერი. Razer Synapse-ით შეგიძლიათ სასურველი განათების დაყენება და შემდეგ მისი ნებისმიერი თამაშისთვის დაკავშირება. განათების დაყენება ძალიან მარტივია. Orbweaver Chroma ინტერნეტის გარეშეც მუშაობს, მიუხედავად იმისა, რომ Razer Synapse-ში ხდება თქვენი კონფიგების შენახვა და შემდეგ მათი ღრუბელში ატვირთვა.

Razer Chroma Workshop - ადგილი სადაც შეგიძლიათ გადმოწეროთ სასურველი კონფიგურაციები

Chroma განათებას კი ოფიციალური მხარდაჭერა აქვს რამდენიმე თამაშისგან, მათი რიცხვი კი დღითიდღე იზრდება - Rise of the Tomb Raider, Overwatch, H1Z1, Call of Duty®: Black Ops III და ა.შ.

გარდა ოფიციალური მხარდაჭერისა, თქვენც შეგიძლიათ შექმნათ აპლიკაცია Chroma SDK-ს გამოყენებით, ან გამოიყენოთ უკვე შექმნილი აპლიკაციები - Audio Visualizer, ChromaSync.

Razer Synapse-ის საშუალებით მაკროსის დაყენება ხდება

Chroma განათების გარდა, კლავიატურაზე შეგიძლიათ დააყენოთ უსასრულო მაკროსი. Razer Synapse-ში მაკროსების კონფიგურაციის დაყენება მარტივია. სხვადასხვა კლავიშების დაჭერით კი შეგიძლიათ ერთ კლავიშზე 8-ზე მეტი ფუნქციის დამატება, შექმნათ ნებისმიერი კლავიშის რთული კომბინაცია და გამოიყენოთ ის თამაშის დროს. და თუ თქვენ ამ კლავიატურას თამაშისთვის არ გამოიყენებთ, მისი გამოყენება სხვა აპლიკაციებისთვისაც გამოგადგებათ.

Orbweaver Chroma მეტია ვიდრე კლავიატურა მხოლოდ თამაშებისთვის - სასარგებლოა სხვა აპლიკაციებშიც, გამოსაყენებლად კი მარტივი და კომფორტულია.

კლავიატურის უარყოფითი მხარე კი მისი ფასია. ის დაახლოებით იგივე ღირს რაც ჩვეულებრივი მთლიანი ზომის კლავიატურა, რომლის ალტერნატივასაც Razer გვთავაზობს.

და თუ თქვენ გაქვთ პატარა ზომის ხელი, მაშინ პრობლემები შეგექმნებათ კლავიატურის გამოყენებაში. კლავიატურის ზომის შეცვლა შეიძლება - მხოლოდ მისი გადიდებით, რაც თქვენს შემთხვევაში გამოუსადეგარი იქნება. ასეთ შემთხვევაში შეგიძლიათ Orbweaver Chroma - Blackwidow Tournament Edition-ით ჩაანაცვლოთ.

ცაციები კი რომლებიც მაუსს მარცხენა ხელით იყენებენ, სამწუხაროდ ამ კლავიატურას საერთოდ ვერ გამოიყენებენ. ცერა თითის ღილაკების გადაადგილება არ არის შესაძლებელი, რაც კლავიატურის გამოყენებაში ხელს საგრძნობლად შეგიშლით.

მომავალში ამ კლავიატურის განვითარების ნახვა საკმაოდ საინტერესო იქნება. უკაბელო Orbweaver Chroma დიდი ნახტომი იქნება Razer-ისთვის.

ჩვენ Razer-ის სხვა მოწყობილობებს მომავალშიც დავუბრუნდებით.