აატროქს
დარკინის ხმალი
"ნამდვილი მეომრები სისხლში იბადებიან..."
აატროქსი არის ლეგენდარული მეომარი. იგი ერთ ერთი დარკინთაგანია. დარკინები უძველესი რასის წარმომადგენლები არიან, მხოლოდ აატროქსზე შეგვიძლია ვთქვათ რომ ნამდვილად დარკინია, რადგან სულ ხუთნი არიან და მათ შესახებ დაზუსტებით არაფერი ვიცით.
აატროქსი ფლობს უზარმაზარ ხმალს, რომელიც ანაწევრებს მტრებს ისე რომ ყურება მოგხიბლავთ. ყოველი დაცემული მტრისგან აატროქსის ცოცხალი ხმალი სისხლს სვამს მათგან, აძლიერებს ორივეს, ხმალსაც და აატროქსსაც, მატებს მეტ ძალას და სიცოცხლეს.
უძველესი მოთხრობა აატროქსზე ისეთივე ძველია როგორც თვით ისტორია. იგი გვიყვება ომზე, 2 დიადი ფრაქციის შორის სახელებით "პროტექტორატები" და "მეიჯლორდები". პროტექტორატების დროშაზე ირემი იყო გამოსახული, მეიჯლორდების დროშაზე კი - ბუ.
ომში სხვადასხვა სახის მაგიებს იყენებდნენ, რამაც გაანადგურა ყველაფერი და საბოლოოდ გახსნა პორტალი, საიდანაც შემოვიდა არსება რომელსაც ჩვენ დღეს ბარონს ვეძახით.
დიახ, სწორად გამოიცანით, ეს ომი სამონერების რიფტ (Summoners rift) ზე შედგა.
დროთა განმავლობაში მეიჯლორდები ანადგურებდნენ პროტექტორატებს. ერთხელაც, როდესაც პროტექტორატების დაცემა გარდაუვალი იყო გამოჩნდა აატროქსი მათ მხარეს.
მხოლოდ რამოდენიმე სიტყვით აატროქსმა გამოაფხიზლა მეომრები და საბრძოლო განწყობაზე მოიყვანა, თვითონაც ჩაერთო ომში. პროტექტორატების ჯარი ბევრად ნაკლები იყო მაგრამ აატროქსის დახმარებით ძალიან ბრუტალურად მოიგეს ომი. მეომრებს სისხლი სწყუროდათ, იბრძოდნენ 10 კაცის ძალით.
ომის შემდეგ აატროქსი გაუჩინარდა, მაგრამ გამარჯვებული მეომრების გონებიდან არასდროს ამოიშალა თუ რა დონის სისასტიკეები ჩაიდინეს და როგორ ანაწევრებდნენ მოწინააღმდეგეებს შიშველი ხელებით. ამას საბოლოოდ მეომრების ჭკუიდან შეშლა მოჰყვა. ომი მოიგეს, მაგრამ საღი აზროვნება დაკარგეს.
ასეთი ისტორიები ხშირად გვხვდება სხვადასხვა კულტურებში, თუ ყველას დავუჯერებთ აატროქსის გამოჩენამ ძალიან დიდი როლი ითამაშა ისტორიაში და საბოლოოდ მკაფიოდ შეცვალა. აატროქსი ისტორიების მიხედვით ის გმირია რომელიც ყველაზე ბნელ დროს გვიხსნის, მაგრამ მისი დავალება შესაძლოა იყოს მსოფლიოს კონფლიქტით და არეულობებით გამოვსება იყოს.
"ზოგი პატივისთვის იბრძვის, ზოგი დიდებისთვის. მთავარი მხოლოდ ის არის რომ იბრძვი" - აატროქსი
