პირველი X-Men (2000) , მრავალი ეჭვის მიუხედავად, იყო ძალიან წარმატებული ფილმი, რომელმაც, ბევრის თქმით, წამოიწყო მთელი სუპერგმირული ჟანრის "ბუმი". არავინ მოელოდა აგრეთვე, რომ მას ექნებოდა ამდენი სიქველი და სპინოფი. ჩვენ ვიხილეთ ორიგინალური ტრილოგიის და First Class ტრილოგიის დასასრულები, ახლა კი დრო დადგა Wolverine-ის სერიისთვის - გამოვიდა Logan-ის ტრეილერი.
დიახ, როგორც მოგეხსენებათ, ეს არის პერსონაჟისთვის ბოლო გამოჩენა ეკრანზე და ის იქნება, თვით ჰიუ ჯეკმანის თქმით, წინა ფილმებისგან ძალიან განსხვავებული. ტრეილერის ყურებისას შესამჩნევია უფრო ნელი, დრამატული ტონი, დაბერებული ძველი პერსონაჟები და რამდენიმე ახალი - მათ შორის X-23. #1 ლოგანი არაა ახალგაზრდა - მისი შეხორცების უნარიც დაქვეითდა
ეს არის (არაზუსტად) დაფუძნებული Old Man Logan-ის კომიკსზე, რაც იმ ფაქტში აისახება, რომ სიუჟეტი ნაწილობრივ უდაბნოში ვითარდება. შორეული მომავალი, სადაც მუტანტები თითქმის გაქრნენ. მთავრობა ატარებს ე.წ. Transigen ოპერაციას, მუტანტი ბავშვების იარაღებად გამოყენებისთვის. პროფესორი X ავადაა, ლოგანი კი ალკოჰოლიკია, მაგრამ მოუვა მისნაირი შესაძლებლობების მქონე ბავშვი - X-23, რომლის წრთვნასაც იკისრებს. #2 დაფნე კინი ახალგაზრდა X-23-ის როლში
Logan-ს ექნება R-რეიტინგი. მისი გამოსვლის თარიღია 3 მარტი. ტრეილერი ნახეთ ქვემოთ. Goodbye, Wolverine.
