UPDATE : ორივე ფოტო ყალბი აღმოჩნდა, ახლახანს შევიტყვეთ.
უკვე დიდი ხანია დადის ჭორები (რომელიც დროდადრო უფრო საფუძვლიანი ჩანს), რომ Nintendo აპირებს ახლო მომავალში გამოუშვას ახალი კონსოლი მეტსახელად "NX".
Reddit - ის ერთ-ერთ ფორუმზე მომხმარებელმა "perkele37" დადო (როგორც თვითონ ამბობს) NX სისტემის დევ-კიტის კონტროლერის სურათები. ეს დიზაინი რათქმაუნდა საბოლოო არაა, მაგრამ ძალიან წააგავს ინტერნეტში დიდი ხნის წინათ გამოქვეყნებულ მონახაზებს.
ეს ახალი მოწყობილობა , ხმების თქმით, უნდა წარმოადგენდეს იდეალურ ჰიბრიდს კონსოლსა და პორტაბლურ მოწყობილობას შორის (PS Vita + PS4 - ის მსგავსად) და კონტროლერიც ხელში უფრო მოსახერხებელია კომპანიის წინა კონსოლთან შედარებით.
როგორც ამჩნევთ, ძალიან საინტერესოდ ვითარდება მოვლენები - Sony ამზადებს PS4.5 - ს (რომელსაც მეტსახელად PS4K - ს უწოდებენ), Microsoft - მა მოგვცა "მინიშნება" გაუმჯობესებად Xbox One - ზე, აგერ Nintendo კი სრულიად ახალ კონსოლს ამზადებს.
Wii U , როგორც ყველამ ვიცით, წარუმატებელი პროექტი იყო - ბევრს არ მოეწონა კონტროლერის ზომა, ბატარეის ხანგრძლივობა, კონსოლის ზოგადი მხარდაჭერის ნაკლებობა. ერთი დიდი მინუსი იყო აგრეთვე მარკეტინგის სტრატეგია და ,იმედი გვაქვს, Nintendo იმავე შეცდომებს ხელმეორედ არ დაუშვებს.
და აგერ NX - ის კონტროლერის სურათებიც :
