Venom-ის ფილმი - გამოსვლის თარიღი, შესაძლო R რეიტინგი და მეტი

We are Venom!

        ყველასათვის საყვარელი სიმბიოტის მატარებელი, Venom, თავის ფილმს მიიღებს. ეს დადასტურებული იყო Sony Pictures-ის მიერ და ცნობილი გახდა ფილმის გამოსვლის თარიღიც - ეს იქნება 2018 წლის 5 ოქტომბერი, როდესაც წესით Aquaman-ის ფილმი უდნა გამოსულიყო.

       შეიძლება იცოდეთ, რომ ეს განცხადება მთლად სიახლე არაა - ადრეც იყო ცნობილი, რომ Sony-ს მზადებაში ჰქონდა Venom-ის ფილმი. პრობლემა ის იყო, რომ ამ პროექტის ბედი და მასთან ასოცირებული გრძელვადიანი გეგმები მთლად გარკვეული არ იყო. მაგრამ ახლა ნათელია, რომ ფილმს თითქმის გარანტირებულად მივიღებთ. 

Venom-ის როლი 2007-ის Spider Man 3-ში
ტოფერ გრეისმა შეასრულა.

        დავიწყოთ სპეკულაცია. უპირველეს ყოვლისა - იქნება ეს თუ არა MCU-ში? პასუხია მაღალი ალბათობით "არა", რადგანაც ის Sony-ს კრეატიული კონტროლის ქვეშაა და აგრეთვე ადრე ვიხილეთ შემდეგი განცხადება :

 Sony-მ დანტე ჰარპერი აიყვანა Venom-ისთვის სკრიპტის დასაწერად . ეს პროექტი დაგეგმილია, როგორც ტომ ჰოლანდის მომავალი Spider Man ფილმისგან დამოუკიდებელი სერიის ნაწილი.

        მეორე ძალიან დამაიმედებელი და ასევე მაღალი ალბათობის მქონე ვარაუდია, რომ ფილმს ექნება R რეიტინგი. ამისათვის გვაქვს რამდენიმე კარგი მიზეზი : თვითონ Venom-ის პერსონაჟის ბუნება, ძალიან შესაძლოა Carnage-ის გამოჩენა (ფილმს ადრე Venom-Carnage ერქვა) და ,რაღათქმაუნდა, Deadpool-ისა და Logan-ის უპრეცენდენტო წარმატებები. ასეთი ასაკობრივი რეიტინგი ალბათ ყველას გვინდა, რადგანაც სხვაგვარად ეს პრაქტიკულად კომპრომისი გამოვიდოდა. ასევე - ეს საშუალებას იძლევა ბევრად უფრო ღრმა თემების განხილვისთვის. (როგორიცაა Venom-ისთვის ჩვეული შურისძიების, ან იქნებ წარსული შეცდომებისთვის თავის გამოსყიდვის თემატიკა)

შესაძლოა ფილმში Carnage გამოჩნდეს.

    

SHEAMUS

         როგორც იცით, სიმბიოტს არაერთი მატარებელი ჰყავდა და Venom-ის მრავალი იტერაცია არსებობს. მე ვფიქრობ, რომ ეს იქნება თავდაპირველი Venom-ის, ედი ბროკის ისტორია. მისი შემსრულებელი ვინც იქნება, ჯერჯერობით უცნობია, მაგრამ როლისთვის გულითადი სურვილი გამოთქვა WWE-ს ვარსკვლავმა და პერსონაჟის ფანმა სტევენ ფარელიმ  ("SHEAMUS").

        სანამ ერთ ძალიან საინტერესო ფან-თეორიაზე გადავალთ, ერთ დეტალს დავამატებ - სკრიპტისთვის შერჩეულია ორი მწერალი - სკოტ როზენბერგი (Con Air, Jumanji-ის reboot) და ჯეფ პინკერი (The Amazing Spider Man 2, Fringe). დანტე ჰარპერმა სკრიპტის მხოლოდ პირველი დრაფტი დაწერა.
        იმ ფან-თეორიას რაც შეეხება - ახლახანს გამოვიდა Sci-Fi თრილერ Life-ის ახალი რეკლამა, სადაც გამოყენებულია ერთ-ერთი კადრი Spider Man 3-დან. შეგახსენებთ Life-ის სინოფსისს :  ასტრონავტები მარსზე აღმოაჩენენ მცირე ზომის ცოცხალ ორგანიზმს (სიმბიოტი?! Anyone?), რომელიც მალე მთელ ეკიპაჟს საფრთხეს შეუქმნის. გამოყენებული კადრი შეამჩნია Reddit-ის ერთ-ერთმა წევრმა და მანდ გამოითქვა ვარაუდი, რომ Life-ში ჩვენ ვიხილავთ სიმბიოტის "origin" ისტორიას.

        Venom ბევრისთვის წარმოადგენს Spider Man-ის უმთავრეს მტერს, შეიძლება იდეალურსაც კი, და ამიტომაც ძალიან საინტერესოა, Sony ამ ფილმთან მიმართებაში რა გზით წავა - ააწყობს თუ არა საკუთარ Cinematic Universe-ს, ენდრიუ გარფილდი დაბრუნდება თუ არა სპაიდის როლში, Sinister Six-ის ფილმთან თუ იქნება რამე კავშირი და ა.შ. ამ ანტიგმირის ხელახალ რეალიზაციას ბევრი მოისურვებდა. ყველაზე მეტად ვმედოვნობთ R რეიტინგს, რაც დღევანდელი სუპერგმირული ფილმების ფონზე თითქმის გარდაუვალი რეალობა ჩანს.