სტუდია Naughty Dog-მა წარმოგვიდგინა რამოდენიმე კონცეპტუალური არტი, Uncharted 4-ის დამატებიდან The Lost Legacy.სტუდია ჯერჯერობით დამატების გამოსვლის თარიღის დასახელებისგან კვლავაც თავს იკავებს, თუმცა მთლად უყურადღებოდაც არ ტოვებს თამაშის ფანებს.
კადრებზე ვხედავთ ულამაზეს პეიზაჟებს სადაც წარიმართება თამაშის მოვლენები,ასევე თამაშის მთავარ გმირებს,ძლიერ და მშვენიერ ქალბატონებს, Chloe Frazer-სა და Nadine Ross-ს.
Chloe Frazer-ი ცნობილი რელიქვიების მაძიებელი,ცდილობს გადაარჩინოს ინდური ლეგენდარული არტეფაქტი, დასახმარებლად კი მიმართავს ცნობილ დაქირავებულ მებრძოლს Nadine Ross-ს.
ქალბატონები მიემგზავრებიან ინდოეთის მთების სიღრმეში,რათა ამოხსნან არტეფაქტის საიდუმლო,გადაურჩნენ მტრებს და თავიდან აიცილონ მთელი რეგიონის განადგურება.სწორედ ამიტომ მათ მოუწევთ შეეჩვიონ ურთიერთ-შეთანხმებულ მუშაობას.
Naughty Dog-ი ქმნის არა მხოლოდ დამატებას Uncharted 4-ისთვის,არამედ სრულიად დამოუკიდებელი ისტორია თამაშის სამყაროდან.The Lost Legacy-ს ექნება ყველა ის ასპექტი რითაც თავს იწონებს ორიგინალი თამაში.კინემატოგრაფიული სიუჟეტი,ულამაზესი პეიზაჟები,დინამიური ბრძოლის სისტემა და რთული თავსატეხები.
დამატება The Lost Legacy გამოვა როგორც ციფრული ასევე დისკის სახით, გამოცალკევებით ორიგინალი თამაშისგან, რათქმაუნდა ექსკლუზიურად PS4-სა და PS4 Pro პლათფორმებზე.
