თრეილერებში და ტივი სფოთებში ფილმისთვის Guardians Of The Galaxy Vol. 2 უკვე ბევრი ნაცნობი სახე ვნახეთ. ფილმის პრემიერამდე ორ თვეზე ნაკლები დრო დარჩა და არ გვეგონა თუ რაიმე სიახლეს გავიგებდით ფილმის ქასთთან დაკავშირებით. არც ისე დიდი ხნის წინ გახდა ცნობილი, რომ Michael Rosenbaum-ს, მსახიობს რომელიც ძირითადად ცნობილი გახდა Lex Luthor-ის როლის შესრულებით 2000-იანების სატელევიზიო სერიალში Smallville აქვს როლი ფილმში.
Adam Carolla-ს შოუში გამოსვლის დროს, რეჟისორმა James Gunn-მა შეგვახსენა Sylvester Stallone-ს როლზე ფილმში, ასევე მან ისარგებლა მომენტით და დააანონსა თავისი მეგობრის Michael Rosenbaum-ის გამოჩენა ფილმში. მან ისაუბრა იმაზე, რომ ფილმში იქნებიან პერსონაჟები ვის შესახებაც ხალხმა ჯერ კიდევ არ იცის და რომ ერთ-ერთი ასეთი საკმაოდ მნიშვნელოვანი პერსონაჟის როლს ასრულებს Michael Rosenbaum. ამის შემდეგ თავად მსახიობმაც დაწერა სოციალურ ქსელში, რომ წელიწადია რაც პირი აქვს დაკეტილი და James Gunn-ის ანონსის შემდეგ უკვე თავისუფლად შეუძლია თქვას რომ ის არის ფილმში Guardians Of The Galaxy Vol. 2.
გარდა Lex Luthor-ის როლისა მაიკლ როსენბაუმს აქვს მონაწილეობა მიღებული DC-ს უამრავ ანიმაციურ ფილმში და Guardians Of The Galaxy Vol. 2 დიდი ნახტომია Marvel-ის მხარეს.
ცუდია რომ არ ვიცით ვის როლს შეასრულებს როსენბაუმი, მაგრამ როგორც განმა თქვა მას "საკმაოდ წესიერი როლი" ექნება და იმედი ვიქონიოთ რომ მას დიდი დრო დაეთმობა ფილმში. თუ ზოგიერთ წყაროს დავუჯერებთ Sylvester Stallone შეასრულებს Nova Corps-ის წევრის როლს და თუ Rosenbaum-ის პერსონაჟს მასთან კავშირი აქვს მაშინ შესაძლებელია ისიც Nova Corps-ის თანამშრომლის როლს ასრულებდეს, ასევე კიდევ ერთი, მაგრამ ნაკლებად რეალური ვარიანტია რომ Rosenbaum შეასრულებს დამნაშავის როლს, რომლის დაჭერასაც ცდილობს Stallone-ს პერსონაჟი. პრემიერის წინ ბევრ ახალ რამეს ვიგებთ ფილმის შესახებ, მაგრამ რატომღაც ისეთი შეგრძნება მრჩება რომ კოზირები James Gunn-ს ჯერ კიდევ ხელში აქვს და მთავარი სურპრიზი ჯერ კიდევ წინ არის, ვნახოთ რა მოხდება.
