და მოხდა ის რასაც ამდენი ხანი ველოდით... DC-მ და Warner Bros.-მა გაგვახარეს და გვიბოძეს თრეილერი ფილმისა Justice League. არა მგონია, რომ თრეილერი არ გქონდეთ ნანახი, მაგრამ თუ არ გაქვთ ნანახი შეგიძლიათ ქვემოთ უყუროთ და შემდეგ გავაგრძელოთ:
პირველ რიგში დავიწყოთ იმით რომ შესაძლებელია ბევრს გაგიჩნდეთ კითხვა: თუ ეს პირველი თრეილერია, მაშინ ის რა იყო აქამდე რომ ვნახეთ?! - ის იყო უბრალოდ ერთგვარი თიზერი Comic-Con-იდან. თრეილერში ამჯერად უკვე უკეთესად გვაჩვენეს ლიგის წევრების შესაძლებლობები, განსაკუთრებით დიდი დრო Aquaman-ს დაეთმო და კარგიც არის, რადგან არ მეგონა თუ ეს პერსონაჟი ასეთი Bad Ass გამოვიდოდა. ასევე ვნახეთ კომისარი Gordon, რომელსაც როგორც ჩანს Batman-თან და საერთოდ ლიგასთან კარგი დამოკიდებულება აქვს. თრეილერის ქვემოთ იყო კომენტარები სადაც ხალხი წერდა, რომ ფილმი ძალიან ბნელია, მაგრამ აშკარად იმაზე ნათელია ვიდრე Batman V. Superman იყო. ასევე თრეილერში იყო ბევრი იუმორისტული სცენა და იმედია ყველა ხუმრობა თრეილერში არ აჩვენეს და ფილმისთვისაც აქვთ რამე შემორჩენილი. საერთოდ თრეილერში კარგი ატმოსფერო იგრძნობა, თითქოს ლეგენდარული მუსიკის ფონზე ლეგენდარული ფილმი იბადება და მე პირადად უკეთესი შთაბეჭდილება შემექმნა ფილმზე. მოდი ისევ პერსონაჟებს დავუბრუნდეთ: Batman-ს ახალი სათამაშოები აქვს როგორც ჩანს და ეპიკური ილეთებით ამარცხებს მტრებს, Flash-ს ბევრი არც არაფერი უთქვამს თრეილერში, მაგრამ ძალიან სწრაფი რომაა ეგ უეჭველი გავიგეთ და Speedforce-ში შესვლის სცენაც ძალიან მაგარი იყო. Aquaman როგორც უკვე ვთქვი ძალიან მაგარი იყო მიუხედავად იმისა, რომ საგრძნობლად განსხვავდება თავის კომიქს და ანიმაციური ვერსიებისგან, ასევე საკმაოდ ძლიერია და თავის სამკბილას არა ერთხელ გამოიყენებს. Cyborg ბევრჯერ გაგვაოცებს თავისი მრავალი შესაძლებლობებით, ხოლო Wonder Woman-ს უბრალოდ უყურეთ და დატკბით. ერთადერთი რაც თვალს დააკლდა - ეს იყო Superman და იმედია ფილმის გამოსვლამდე არც გამოაჩენენ თრეილერებში. ფილმში ასევე იქნება ბევრი ფლეშბექი რაც კარგია, იმიტომ რომ ეს უფრო ადრე გამოდის ვიდრე ბევრი პერსონაჟის სოლო ფილმი და საჭიროა, რომ მათი ორიჯინ ისტორიები ვიცოდეთ, მიუხედავად იმისა კითხულობთ თუ არა კომიქსებს ფილმში შეიძლება ბევრი რამ იყოს შეცვლილი. კიდევ ის რაც ვერავის გამორჩებოდა იყო Bruce Wayne-ს პასუხი Barry Allen-ის კითხვაზე თუ რა სუპერძალა აქვს მას, ბრიუსი პასუხობს რომ ის მდიდარია და გასაკვირი არც არის ბარის ასეთი კითხვა, რადგან გარშემო უკვდავი ტიტანები და სუპერ ადამიანები დარბიან და ბრიუს უეინი კიდე ვიღაც ტიპია ღამურის ფორმაში. ასევე თრეილერში იყო ნაჩვენები Darkseid-ის პირველი შემოჭრა დედამიწაზე და ბრძოლა ამაზონელებთან.
ველოდებით შემდეგ თრეილერს, ჯერ ფილმის გამოსვლამდე კიდევ დიდი დროა...
