გუშინ Marvel-მა მოულოდნელად თავზე დაგვატეხა Avengers: Infinity War-ის პირველი ოფიციალური ვიდეო, პირველი შეხედვა იმაზე თუ რა გველოდება ფილმში და რამდენად მნიშვნელოვანია ის. თუ ჯერ არ გინახიათ ქვემოთ ნახეთ და შემდეგ გავაგრძელოთ:
Marvel-მა კიდევ ერთხელ დაამტკიცა რომ გაჩერებას არ აპირებს და ჯერ კიდევ Thor: Ragnarok-ის თრეილერზე ადრე მოგვცა ასეთი ვიდეო, მართალია არც ეს არ არის თრეილერი მაგრამ მაინც. ვიდეოს პირველ ნაწილში Marvel-ის სამი სუპერგმირი დგას და კამერის წინ ლაპარაკობენ, მაგრამ მათი ლაპარაკიდან Tom Holland-ის ლაპარაკმა ყველაზე დიდი ყურადღება მოითხოვა, მას და არა მარტო მას უხარია Spider-Man-ის გამოჩენა Avengers-ში. ვიდეო სავარაუდოდ თავად Avengers: Infinity War-ის გადაღებებიდანაა, კონკრეტულ მომენტში ალბათ Star Lord-ის სცენას იღებდნენ, რადგან მხოლოდ Chris Pratt-ია კოსტუმში, ან საერთოდ შეიძლება ვიდეო უფრო ადრე Guardians of The Galaxy Vol.2-ის გადაღებებიდანაა, მაგრამ არამგონია Robert Downey და Tom Holland მარტო ამ ვიდეოს გამო მისულიყვნენ გადაღებებზე. უნდა ვივარაუდოთ რომ Avengers: Infinity War-ის გადაღებები დაიწყო. ვიდეოს მეორე ნაწილში ძმები Russo და Kevin Feige ლაპარაკობენ იმაზე თუ რამდენი გამოიარეს და რამდენად მნიშვნელოვანი იყო თითოეული ფილმი Marvel-ისთვის. ასევე ყურადღებას ამახვილებენ Thanos-ზე.
ფილმის პრემიერა 2018 წელს შედგება და იქნება ყველაზე ეპიკური Marvel-ის ფილმი რაც კი ჯერ გადაღებულა იმათ შორის და შესაძლოა იმათშიც რასაც მომავალში გადაიღებენ.
