Shazam/Captain Marvel - პერსონაჟი რომელიც თავისთავად DC-ის კინოსამყაროს ძალიან მნიშვნელოვანი პერსონაჟი გახდება, მასზე ფილმს უკვე დიდი ხანია გეგმავენ, მაგრამ ჯერ არანაირი დეტალი არ ვიცით ფილმზე, გარდა ერთისა, დიდი ხანია რაც ვიცით Shazam-ის მთავარი მტრის - Black Adam-ის როლის შემსრულებელი და ესაა დიდი და ძლიერი Dwayne Johnson. სავარაუდოდ ფილმებში Black Adam მნიშვნელოვან ადგილს დაიკავებს, რადგან დუეინ ჯონსონი ერთ-ერთი ყველაზე ცნობილი მსახიობია მთელს მსოფლიოში. პერსონაჟი იმდენად მნიშვნელოვანი იქნება რომ მას უკვე საკუთარი ფილმიც კი დაუანონსეს. Black Adam-ის სოლო ფილმამდე ჯერ კიდევ დიდი ხანია მაგრამ საჭიროა ვიცოდეთ და წარმოდგენა გვქონდეს თუ ვინ არის იგი და რა შეუძლია.
Black Adam არის DC Comics-ის სუპერვილენი და პერიოდულად ანტიგმირიც. პერსონაჟი გამოგონილია Otto Binder-ისა და C. C. Beck-ის მიერ 1945-წელს როგორც ერთჯერადი პერსონაჟი კომიქსისთვის The Marvel Family. იგი იყო Fawcett Comics-ის პერსონაჟი სანამ DC Comics იქნა ლიცენზირებული და შეიძინა Fawcett Comics-ის პერსონაჟები. DC-მ გააგრძელა Marvel Family-ს ისტორიები სათაურით Shazam! 70-იან წლებში. თავდაპირველად Black Adam წარმოადგენდა Captain Marvel-ის ძველ ეგვიპტელ წინამორბედს რომელიც Shazam-ის მიერ იქნა დამარცხებული. მრავალი წლის განმავლობაში ის ცოცხლობდა და ჩვენს დროში მან კვლავ სცადა Shazam-ისა და მისი ახლობლების დამარცხება. იგი ხშირად Superman-ის მტრადაც გვხვდება კომიქსებში.
დაახლოებით 2000-იან წლებში Jerry Ordway-მ, Geoff Johns-მა და David Goyer-მა მისი ისტორია ცოტათი შეცვალეს და თავად შავი ადამი გადააქციეს ანტიგმირად რომელსაც "თავისი სახელის გაწმენდა" სურს. უკანასკნელ ბოლო წლებში ადამი ძალიან მნიშვნელოვან პერსონაჟს წარმოადგენდა ისეთ კომიქსებში როგორიცაა JSA (Justice Society of America), Villains United, Infinite Crisis და 52. 2009 წელს პერსონაჟი იქნა დასახელებული IGN-ის მიერ როგორც მეთექვსმეტე ყველა დროის საუკეთესო ვილენი.
ორიგინალ კომიქსში Black Adam-ის ნამდვილი სახელი იყო Teth Adam. იგი თავის მოსწავლედ აიყვანა დიდებულმა ჯადოქარმა, სახელად Shazam, როდესაც იგი იძახდა ჯადოსნურ სიტყვას - "Shazam" ის ხდებოდა არაადამიანური ძალის მქონე არსებად - ძლევამოსილ ადამად, რომელსაც იგივე ძალები ჰქონდა რაც Captain Marvel-ს მოგვიანებით. ჯადოქარი მას აძლევდა ძველი ეგვიპტის ღმერთების ძალებს. ადამი ჩათვლის რომ მან უნდა მართოს სამყარო, მოკლავს ფარაონს და თვითონ დაჯდება ტახტზე. გაბრაზებული ჯადოქარი შაზამი მას ძალებს ვეღარ წაართმევს და ამიტომ ის მას ყველაზე შორეულ ვარსკვლავზე გააგდებს და შეარქმევს Black Adam იგივე შავ ადამს. თითქმის მთელს თავის ცხოვრებას ადამი გაატარებს დედამიწისკენ ფრენაში და როდესაც დაბრუნდება უკვე 1945 წელია. მისი ადგილი დაიკავეს სამმა ახალმა ჩემპიონმა: Captain Marvel-მა, Mary Marvel-მა და Captain Marvel უმცროსმა. Marvel Family-ს და Black Adam-ს ჰქონდათ ბრძოლა, ადამი სამივეს ერთად ებრძოდა, ვინაიდან ყველა დაუმარცხებელი იყო ბრძოლა დიდხანს გრძელდებოდა, შემდეგ ადამს მოტყუებით ათქმევინეს "Shazam" და ის ისევ ადამიანად - Teth Adam-ად გადაიქცა, მას მაშინვე მოემატა ის წლები რაც იცოცხლა და დაჩონჩხდა. მიუხედვად იმისა რომ Black Adam მოკვდა იმავე კომიქსში სადაც პირველად გამოჩნდა, ის კვლავ გააცოცხლეს, დოქტორმა Sivana-მ ის ფილადელფიაში რეინკარნაციის მანქანით გააცოცხლა, გაცოცხლების შემდეგ შავმა ადამმა ეს მანქანა გაანადგურა რადგან უკან არ დაებრუნებინათ.
შესაძებლობები და ძალები:
- Shu-ს გამძლეობა.
- Haru-ს სისწრაფე და ფრენის შესაძლებლობა.
- Amon-ის ძალა.
- Zehuti-ს ინტელექტი.
- Aton-ის ენერგია (ელვის მართვა და ა.შ.).
- Mehen-ის ოსტატობა და გულადობა.
- უკვდავება.
- მაგიისგან დაცვა.
- დროსა და სივრცეში მოგზაურობა.
- რეგენერაცია.
- ტელეპატიისგან და გონების მართვისგან გამძლეობა.
