დაანონსდა Apocalypse Now-ს ვიდეოთამაში

"I love the smell of napalm in the morning"

        გუშინ გამოვლინდა ძალიან სასიხარულო ამბავი 1979 წლის სემინალური და თითქმის უნივერსალური აღიარების მქონე საომარი ფილმის, Apocalypse Now-ის ფანებისთვის. ეს ანონსი მოდის მისი რეჟისორისგან, ფრენსის ფორდ კოპოლასგან(The Godfather,Dracula), რომელმაც წამოიწყო კამპანია Kickstarter-ზე.
        ვისაც არ გინახავთ, ფილმის შინაარსის მოკლე მიმოხილვას შემოგთავაზებთ - მოქმედება ხდება 1969 წელს, ვიეტნამის ომის პერიოდში. არმიის ერთ-ერთი მაღალჩინოსანი, პოლკოვნიკი კურცი ჭკუიდან შეიშლება, გახდება ერთ-ერთ მკვიდრი ტომის ბელადი და პრაქტიკულად წამოიწყებს საკუთარ კულტს. მთავარ გმირს,ვეტერან ბენჯამინ ვილარდს, კურცის მოკვლა ევალება .

       #1 როგორც ვახსენეთ, გაქცეულმა პოლკოვნიკა თავის გარშემო კულტი დააარსა   

        პროექტზე მუშაობენ ინდუსტრიის გამოცდილი შემქმნელები, რომელთაც უმუშავიათ  ისეთ თამაშებზე ,როგორიცაა  Fallout : New Vegas, Wasteland 2, Torment , The Witcher, Planetside 2 და მეტი. თამაში დახასიათებულია, როგორც ფსიქოლოგიური survival-horror RPG, სადაც თქვენ მოგიწევთ მიიღოთ ისეთი გადაწყვეტილებები, რომელსაც სიუჟეტის მსვლელობაზე გავლენა ექნება.

        #2 კადრი Apocalypse Now-ს ერთ-ერთი ყველაზე იკონური სცენიდან.

        პროექტს ჯამში სჭირდება 900,000 $, ჯერჯერობით კი მოგროვდა თითქმის 60,000 $. თუმცა ჯერ ყველაფერი წინ არის - თანხის მოსაგროვებლად დარჩა კიდევ 28 დღე. ძალიან საინტერესო ინიციატივაა და რეალურად კარგი იქნებოდა მისი წარმატებით დასრულების ნახვა.