ალბათ ბევრს გვიოცნებია ჩვენ საყვარელ კომიქსზე ან ფილმზე თამაში გამოსულიყო, ამიტომ მოემზადეთ, თქვენი ოცნების ასრულებას ეს-ესაა საფუძველი ჩაეყარა.
როგორც რამდენიმე წუთის წინ Square Enix-ის ოფიციალური Twitter-ის საშუალებით გავიგეთ, Square Enix-მა და Marvel-მა ხელი მოაწერეს პარტნიორობას, რომლის მიხედვით ზემოთ ნახსენები კომპანია რამდენიმე თამაშს გამოუშვებს Avengers-ის კომიქსების მიხედვით.
ნახეთ ტიზერიც :
ტიზერი მოკლეა, თუმცა შიგნით აშკარადაა მინიშნება რკინის კაცზე, კაპიტან ამერიკაზე და თორზე.
"ხელახლა შეკრება" არის ტიზერის მთავარი სლოგანი. Crystal Dynamics და Eidos Montreal არიან სწორედ ის კომპანიები რომლებიც იმუშავებენ ზემოთ ხსენებულ თამაშებზე. ეს სტუდიები არიან ცნობილები სათავგადასავლო და მოქმედებითი სტილის თამაშებისთვის, როგორიცაა Tomb Rider, Thief და Deus Ex სერიები.
ამ დროისთვის სულ ეს ინფორმაციაა ჩვენს ხელთ, თუმცა მოთამაშეები უნდა ელოდონ შემდეგ წლებში რამდენიმე სათაურის გაჩენას. Square Enix ნელ-ნელა გამოაქვეყნებს 2018 წლის პროექტის დეტალებს.
იხილეთ Square Enix-ის ტვიტი.
