ახალი Ghost Rider სერიალში "Agents Of S.H.I.E.L.D."

    ალბათ ბევრმა გაიგეთ რომ სატელევიზიო სერიალ Agents Of S.H.I.E.L.D.-ში გამოჩნდება ბევრის საყვარელი სუპერგმირი, უფროსწორედ ანტი-გმირი Ghost Rider/მრბოლელი მოჩვენება. იმის შესახებ თუ ვინ შეასრულებს მის როლს მე უკვე დავწერე, მაგრამ თუ თქვენ არ წაგიკითხიათ გავიმეორებ და ვინც წაიკითხა იმათაც შევახსენებ რომ მის როლს ასრულებს Gabriel Luna. ეს არ იქნება ძველი  Ghost Rider-ის რემეიკი, ეს იქნება სრულიად განსხვავებული მრბოლელი მოჩვენება სრულიად განსხვავებული ისტორიით. თუ არ ვცდები კომიქსებში გამოჩნდა ახალი მრბოლელი მოჩვენება რომელმაც ორბორბლიან ტრანსპორტს 4 ბორბლიანი არჩია და სწორედ ეს მრბოლელი მოჩვენებაა გადატანილი ჩემს ერთ-ერთ საყვარელ სერიალში.

    Ghost Rider-ის გამოჩენის შესახებ ფანები ჯერ კიდევ მაშინ მიხვდნენ როდესაც სან დიეგოს ქუჩებში თამამად იდგა მატარებელი რომელსაც გარშემო ცეცხლოვანი ჯაჭვები ეხატა და ჰქონდა წარწერა Agents Of S.H.I.E.L.D. მიუხედავად იმისა რომ ეს შეიძლებოდა უბრალოდ სილამაზისთვის ყოფილიყო იმედს მაინც არ ვკარგავდით და მას შემდეგ რაც სან დიეგოს Comic-Con ჩატარდა მაშინვე მივხვდით რომ არ ვცდებოდით. იქ აჩვენეს ასევე მანქანა რომლითას არსებული Ghost Rider ივლის.

    ახალი Ghost Rider-ის ნამდვილი სახელია Robbie Reyes და იგი უბრალო მექანიკოსია რომელიც ცხოვრობს ლოს ანჯელესში. მოდი ასე ვთქვათ ის რაიონი სადაც ის ცხოვრობდა არც ისე მეგობრული იყო და შეიძლება ითქვას ზედმეტად განგსტერული მისთვის და მისი ძმისთვის Gabe-თვის. იმისთვის რომ ისინი გადასულიყვნენ სხვაგან საცხოვრებლად რობის ფული სჭირდებოდა და ამისთვის მიიღო მონაწილეობა ქუჩის რბოლებში და სამწუხაროდ ის მანქანა რომლითაც იგი დადიოდა დასახლებული იყო მოჩვენებით. რბოლის დროს იგი ლიდერობდა და ამ დროს მას ვიღაც დაედევნა და როგორც მან დაინახა ეს პოლიცია იყო. იგი გაქცევას ცდილობდა და თან ფიქრობდა თუ რა მოუვიდოდა მის უმცროს ძმას რომელიც რობის გმირად თვლიდა, უყურადღებობის გამო რობი კინაღამ კლდიდან გადავარდა, იგი მანქანიდან გადმოვიდა და ყველაფრის ახსნა სცადა მაგრამ მას სროლა დაუწყეს და მოკლეს კიდეც. მდევრებმა აიღეს რაღაც ნივთიერება მანქანიდან და დააპირეს რობის სხეულის დაწვა, მაგრამ მოჩვენებამ იმოქმედა რობიზე და მისცა მას ძალა და გადააქცია მრბოლელ მოჩვენებად. ჭირი იქა, ლხინი აქა!!

    არც ისე დიდი ხნის წინ ინტერნეტში დაიდო კადრი სერიალიდან სადაც ბევრი არაფერი მაგრამ ჩანს თუ როგორ გიჟურად ატარებს მრბოლელი მოჩვენება თავის მანქანას:

    ვიდეოში ჩანს ბევრი ცეცხლი და ნამდვილად აწყვეტილი ტარება რაც მემგონი არ უნდა ახასიათებდეს რობის იქამდე სანამ შურისძიების ანგელოზი არ ჩასახლდება მასში, ასე რომ შეგვიძლია ვთქვათ რომ ის უკვე Ghost Rider-ია, საერთოდ სერიალი მასზე არ არის და არამგონია მისი ორიჯინი ვნახოთ სერიალში თუ ის მეოთხე სეზონის ერთ-ერთი მთავარი მოქმედი პირი არ გახდება და მაინც მისი ისტორიის ნახვა ჩემი აზრით მხოლოდ ფლეშბექებით იქნება შესაძლებელი.

    აი ასე გამოიყურება Robbie Reyes გაბრიელ ლუნას შესრულებით, ფოტო რომელიც სულ ახლახანს გამოჩნდა Entertainment-ის სიახლეებში:

    სერიალის მეოთხე სეზონის პრემიერა შედგება 20 სექტემბერს.