მოგესალმებით. ალბათ "დედპულის" მსგავსად ელოდებით ფილმს "თვითმკვლელთა რაზმი" (Suicide Squad), რადგან ორივე ფილმი შეშლილ და მკვლელ სუპერგმირებზეა, რომლებიც ხანდახან ბოროტებიც არიან და კეთილებიც. პირველი თრეილერი იწყება წარწერით - "სამართალს აქვს ცუდი მხარეც", მართლაც ასეა. ფილმის სცენარი ალბათ კომიქსების მიხედვითაა აგებული. თრეილერში ჩანს რომ ამანდა უოლერი A.R.G.U.S-ის დირექტორი შეკრიბავს ჯგუფს რომლის წევრებსაც ახასიათებს როგორც "ყველაზე ცუდები ცუდებს შორის". ფილმში მოქმედება ხდება DC-ს ოფიციალურ სამყაროში, სამყაროში სადაც ცოტა ხნის წინ Doomsday მოკლა სუპერმენმა. ფილმის Cast-ში წერია ასევე ბენ აფლეკი იგივე ბეტმენი/ბრიუს უეინი, ასე რომ ნამდვილი გმირებიც იქნებიან ფილმში, ბოლოს და ბოლოს კაცობრიობის ბედს მხოლოდ დამნაშავეებს ვერ ვანდობთ.
ფილმში გამოჩნდება ბევრი ისეთი პერსონაჟი რომლის კინოსამყაროში გამოჩენასაც დიდი ხანია ნატრობენ კომიქსების მოყვარულები, მაგალითად ჰარლი ქუინი (Harley Quinn), რომლის ისტორიასაც რა თქმა უნდა ვნახავთ ფილმში. ვინც არ იცით გეტყვით რომ ჯოკერი ჩააგდებს მას ნივთიერებაში რომელიც ჰარლის ჭკუიდან შეშლის და იგი უზომოდ იქნება შეყვარებული ჯოკერზე, ის კი ამით სარგებლობს.
ფილმში ასევე იქნება დედშოთი (Deadshot) რომლის მოქმედებებიც სპეციალურად უილ სმიტისთვისაა დაწერილი. უილ სმიტი სავარაუდოდ დიდი ხანია ოცნებობს რომ DC-ს რომელიმე პერსონაჟის როლი შეასრულოს, ჯერ მარტო მის არც თუ ისე ახალ ფილმში "მე ვარ ლეგენდა"-ში (I am Legend) შეგვიძლია ვნახოთ 9 წლის შემდეგ გამოსული ფილმის "Batman V. Superman"-ის პოსტერი და ასევე სმიტმა მიიღო მონაწილეობა ფილმში "ჰენკოკი" (Hancock), სადაც მას თითქმის იგივე ძალები აქვს რაც სუპერმენს.
დედშოთი - ადამიანი რომელიც კლავს ხალხს, კილერ კროკი - ჭამს ხალხს, ელ დიაბლო - წვავს ხალხს, კუდიანი/ჯადოქარი (Enchantress) ის ვისაც ჩაუსახლდა ალქაჯი, კატანა - გოგონა სულის ხმლით და ჰარლი - შეშლილი. იმისგან განხვავებით როგორიცაა ტატსუ იამაშირო/კატანა სერიალ "ისარში" (Arrow) აქ მას ნამდვილი სულის ხმალი აქ და ეს თრეილერშიც ჩანს თუ როგორ მოძრაობენ სულები ხმლის გარშემო. ასევე არ უნდა დაგვავიწყდეს კაპიტანი ბუმერანგი რომლის როლსაც ფილმ "Divergent"-ის ვარსკვლავი ჯაი კორტნი ასრულებს. კაპიტანი ბუმერანგი აგრესიული და "ლოთია", და ეს ყველაფერი თრეილერშიც ჩანს, სწორედ წყნარი მუსიკის დასასრულში სვავს იგი ლუდს და როგორც ჩანს შუა ომის დროს.
ყველაფერი ადვილია, თუ მათ რამე დააშავეს მათ დახოცავენ ხოლო ხელხის წინ მათ დაადანაშაულებენ, სწორედ ასე აიძულებენ თვითმკვლელთა რაზმის წევრებს მათზე მუშაობას. თან მათ რომ რამე მოუვიდეთ არაფერია, რადგან ისინი დამნაშავეები არიან მაინც და არავის ეცოდება ისინი. ასევე თრეილერში აჩვენეს რაზმის ლიდერი რიკ ფლაგი რომლის როლსაც ასრულებს ჯოელ კინამანი. ფილმში დამნაშავე იქნება ... სამწუხაროდ არ ვიცით მთავარი დამნაშავე ვინ იქნება ფილმში. ზოგი იძახის რომ ჯოკერი, მაგრამ თრეილერში აშკარად ჩანს რაღაც დიდი და ძლიერი, თან მცენარეს გავს, მაგრამ ყურები ადამიანისნაირი აქვს, ბევრს ჰგონია რომ ეს არსებაა სხვა სამყაროდან, მაგრამ ჯერ ბევრი არაფერი ვიცით. იძახიან ასევე რომ ეს არსება სუპერმენის დონის იქნება და საინტერესოა როგორ გაუმკლავდებიან დამნაშავეები, ასევე ამ არსების ჯავშანი ძალიან ჰგავს კლიპტონიტს და შესაძლოა ისიც არის, რადგან იმ სამყაროში კლიპტონიტი უკვე არსებობს. ასევე არ გამოვტოვოთ ისიც რომ თრეილერის ბოლოში გამოფრქვეული რაღაც ძალიან ჰგავს ლამპარების ფერებს და ასევე "Batman V. Superman-ში სუპერენის საფლავზე გადაიფრენენ სამხედრო თვითმფრინავები, რომელშიც შესაძლოა იჯდა მწვანე ლამპარი, ჰელ ჯორდანი ხომ პილოტია. ნიშნავს თუ არა ეს ორი ფაქტი იმას რომ მწვანე ლამპარი ახლოსაა.
ასევე არ შემეძლო არ ამეღნიშნა ჯოკერი. ახალი ჯოკერი, ჯოკერი რომელიც ბევრს მოეწონა და ბევრს არა. ჯარედ ლეტო ჯოკერის როლში კარგი სანახავია მაგრამ ბევრს ის იმიტომ არ მოეწონა რომ ძველი ჯოკერი ერჩივნათ და ფიქრობენ რომ ახალი უფრო უკეთესი უნდა იყოს, მაგრამ დამიჯერეთ - ახალი ჯოკერი იმაზე საინტერესო იქნება ვიდრე თქვენ გგონიათ. იძახიან რომ ჯოკერი არის ჯეისონ ტოდი, ადამიანი რომელიც ერთ დროს რობინი იყო, მაგრამ შემდეგ იგი ჯოკერმა სასტიკად აწამა და სახეზე ამოატვიფრა ასო J, ამის შემდეგ ტოდი შეიშალა და გახდა ჯოკერი. აბა კარგად დააკვირდით აქვს თუ არა ახალ ჯოკერს ლოყაზე ასო J? კი აქვს მაგრამ რატომღაც ეს არა ჭრილობა არამედ ტატუა. ასევე ფილმში "Batman V. Superman" არის მომენტი სადაც გვაჩვენებენ რობინის კოსტუმს ჯოკერის წარწერებით და ამან მეც მიმიყვანა იმ აზრამდე, რომ ჯოკერი ერთ დროს რობინი იყო. DC-ს სამყარო სწრაფად იზრდება და ემატება ბევრი პერსონაჟი და ვნახოთ როგორ წარიმართება მოვლენები. ფილმი გამოდის ამ წლის 4 აგვისტოს.
