ყველა გაოცებული დარჩა Marvel-ის სამყაროს ბოლო მოვლენებით. ბევრმა იხილა ახალი თრეილერი ფილმისა "Captain America: Civil War" იგივე "კაპიტანი ამერიკა: სამოქალაქო ომი". ვისაც ის კომიქსი არ აქვს წაკითხული რომლის მიხედვითაც გადაიღეს ფილმი, ძალიან გაუჭირდებოდა იმის აღქმა თუ როგორ ხოცავენ ერთმანეთს დედამიწის გულადი გმირები. ფილმი გამოვა მაისის დასაწყისში და ჯერ ფილმის შესახებ ბევრი რამ არ ვიცით, მაგრამ რაც ცნობილია იმის გაგება თუ გსურთ გააგრძელეთ კითხვა, მაგრამ გაითვალისწინეთ რომ რაც უფრო მეტი იცით მით უფრო უინტერესო ხდება ფილმი, ასე რომ უფრთხილდით სპოილერებს! პირველ რიგში რაც ვიცით ეს ის არის რომ სუპერგმირები ორ ნაწილად გაიყოფიან, მაგრამ გუნდებში მოხდება ცვლილებები, ასე რომ წინასწარ ფსონები არ დადოთ. კომიქსების მიხედვით და თრეილერიდან გამომდინარე ხალხს ეშინია, რადგან იმ პერიოდში როდესაც გმირები ბოროტმოქმედებს ებრძოდნენ დაინგრა ქალაქები და დაიღუპა ათასობით ადამიანი. როგორც ჩანს მთავრობას უნდა რომ თავი დაიზღვიოს და კარგად იცნობდეს თითოეულ შურისმაძიებელს, მაგრამ ეს არ ხდება ომის მთავარი მიზეზი. კაპიტან ამერიკას იგივე სტივ როჯერსს ჰყავს მეგობარი - ბაკი ანუ სამთრის ჯარისკაცი, რომელიც ცდილობს გამოსწორებას და სიკეთის მხარეს გადმოსვლას, მაგრამ სამწუხაროდ ის ჯერ-ჯერობით კარგად ვერ აზროვნებს. სწორედ ბაკი დგას "კაპიტანი ამერიკა: ზამთრის ჯარისკაცი"-ში მომხდარი მოვლენების უკან, ასე რომ იგი ნომერ პირველ დამნაშავედ ითვლება. რკინის კაცს - ტონი სტარკს და ასევე მსოფლიოს უმეტესობას უნდა რომ ბაკი დაისაჯოს, მაგრამ კაპიტანს მიეცა შანსი რომ ბაკი გამოასწოროს და ასე ადვილად ამ შანსს ვერ დათმობს. თანაც არსებობს ვარაუდი, რომ ბაკიმ მშობლები მოუკლა ტონი სტარკს და რა თქმა უნდა მას უნდა ბაკის დაჭერა. ამ ყველაფრიდან გამომდინარე ორ ნაწილად გაიყოფიან შურისმაძიებლები: ერთნი მხარს დაუჭერენ რკინის კაცს, ხოლო დანარჩენი იფიქრებენ რომ მეგობრობა მნიშვნელოვანია და ტონი სწორედ არ იქცევა. ასევე უნდა გავითვალისწინოთ ისიც რომ ერთ-ერთ სუპერგმირს Scarlet witch-ს ანუ ვანდა მაქსიმოვს დაეხოცა მშობლები სოკოვიაში ტონი სტარკის იარაღით და მოუკვდა ძმა ალტრონთან ბრძოლაში რომელიც ტონი სტარკმა შექმნა, და რა თქმა უნდა იგი კაპიტანის მხარეს დაიჭერს. ასევე თრეილერიდან გამომდინარე შავი ქვრივი - ნატაშა რომანოვი თავიდან რკინის კაცის მხარესაა, მაგრამ შემდეგ რაღაც კონფლიქტის გამო კაპიტანი ამერიკის მხარეს გადავა. ფილმის თრეილერში გამოჩნდა ასევე ერთ-ერთი მნიშვნელოვანი სუპერგმირი შავი პანტერა - ტი ჩალა, რომელზეც უახლოეს მომავალში სოლო ფილმის გადაღებას გეგმავენ. შავი პანტერა რკინის კაცისკენ იქნება ფილმის ბოლომდე. როგორც თრეილერიდან ჩანს კვდება ან მძიმედ იჭრება ტონი სტარკის საუკეთესო მეგობარი როუდი - საომარი იარაღი. იძახიან რომ როუდი ბაკიმ მოკლა, რაც არ მგონია, რადგან ის რითიც როუდი კვდება ჰგავს ტონი სტარკის არქ რეაქტორის ნასროლს. როგორც უკვე მივხვდით ფილმი ძალიან დაძაბული იქნება და იმედია ყველასთვის გასაგები, რადგან არის შემთხვევები როდესაც ფილმში ხდება რაღაც რასაც ბევრი ვერ იგებს, გარდა იმათი რომელიც კითხულობს კომიქსებს.
