Samurai Jack-ის სერიამ ერთი თვის წინ მიიღო თავისი დასასრული, მაგრამ ეს არ ნიშნავს, რომ ჯეკის სხვა თავგადასავლები არ იქნება განხილული. სანამ მეხუთე სეზონი გამოვიდოდა, მანამდე უკვე გვქონდა კიდეც კომიქსების რამდენიმე სერია ("Samurai Jack" და "Samurai Jack Classics").
ამავე კომიქსების გამომცემელმა, IDW Publishing, დააანონსა ახალი სერია, სახელად Quantum Jack, რომელშიც ჯეკს მოხვდება ექსპერიმენტული კვანტური სხივი და ის გადაადგილება ერთი ალტერნატიული თაიმლაინიდან მეორეში. ამასობაში კი მას თავისი მახსოვრობა წაეშალა.
 |
| Quantum Jack - პირველი გამოშვების ყდა. |
ჯერ არაა ცნობილი, ეს კომიქსი სერიალის მოვლენებს როგორ დაუკავშირდება. ვინ იცის, იქნებ თვით ეს თავგადასავალიც ალტერნატიულ თაიმლაინში იწყება? და რადგანაც ყველაფერი ექსპერიმენტის გამო დაიწყო, მაშინ მოვლენები ეჭვის გარეშე მომავალში ხდება.
მე პირადად იმედი მაქვს, რომ ჯეკის
ამ ვერსიას ხელახლა დავინახავთ.
ყდიდან გამომდინარე, ჯეკი წააწყდება საკუთარი თავის რამდენიმე ალტერნატიულ ვერსიას. საინტერესოა, იქნებ შემქმნელები ერთ-ერთ ფან-თეორიასაც მიჰყვებიან და ჩვენ ჯეკის ამ ვერსიასაც ვიხილავთ (რომ იცოდეთ, IDW-ს აქვს Powerpuff Girls-ზე უფლებები და რამდენიმე კომიქსიც...).
ქვემოთ შეგიძლიათ ნახოთ პირველი გამოცემის ალტერნატიული ყდა. იმედია Quantum Jack საინტერესო გამოვა.
 |
| Variant Cover. |
