დაანონსდა The Witcher-ის სერიალი

      ცოტა ხნის წინ ცნობილი გახდა, რომ 8-ტომეული ბესტსელერი The Witcher Saga მიიღებს ტელესერიალს Netflix-სგან. როგორც ყველამ იცით, ამ სერიის ვიდეოთამაშებმა არნახულ წარმატებას მიაღწიეს, მესამე ნაწილმა კი ბევრგან (მათ შორის ჩვენთან) წლის თამაშის სტატუსი მოიგო.
       სერიის ავტორმა ანჯეი საპკოვსკიმ, რომელიც კრეატიული კონსულტანტის როლში იმუშავებს, შემდეგი განხცადება გააკეთა :

ძალიან მოხარული ვარ, რომ Netflix აკეთებს ჩემი ისტორიების ადაპტაციას და სათანადოდ მიჰყვება იმ მატერიალებსა და თემებს, რომლებზეც მე 30 წლის მანძილზე ვწერდი.

The Witcher Saga.

      სერიალზე აღმასრულებელი დირექტორების როლში იმუშავებენ შონ დენიელი (The Mummy, Ben Hur, The Expanse) და ჯეისონ ბრაუნი (The Expanse), ასევე ჩაერთვებიან პოლონური კომპანია Platige Image-ის წევრები იარეკ სავკო და ტომეკ ბაგინსკი, რომელმაც 3-ვე თამაშისთვის ინტრო რგოლი შექმნა. ბაგინსკი ყოველი სეზონის მინიმუმ 1 ეპიზოდისთვის იქნება რეჟისორის როლში.
      არაა ცნობილი სერიალი კონკრეტულად რა ისტორიებს უნდა მიჰყვეს ან როდის გამოვა, მაგრამ დენიელმა და ბრაუნმა შემდეგი კომენტარი დაგვიტოვეს :

The Witcher-ის ისტორიები ვითარდება ერთი უჩვეულო ოჯახის გარშემო, რომელიც სიმართლისთვის იბრძვის სახიფათო სამყაროში. პერსონაჟები გამოირჩევიან თავიანთი ორიგინალურობით, იუმორითა და სიურპრიზებით, ჩვენ კი ერთი სული გვაქვს გავაცოცხლოთ ისინი Netflix-ზე.

Netflix-ის Castlevania-ს ადაპტაცია R-რეიტიგიანი იქნება.
ალბათ იგივე მოხდება ამ შემთხვევაშიც.

     ზუსტად არაა აგრეთვე ცნობილი, ამ სერიალს რა ასაკობრივი რეიტინგი ექნება. R რეიტინგი აშკარად ყველაზე სათანადო და ჭკვიანური არჩევანი ჩანს - საპკოვსკი წინააღმდეგ შემთხვევაში ალბათ არც დათანხმდებოდა. დაპირებულია აგრეთვე, რომ სერიალი შეინარჩუნებს წიგნების ქვეტექსტებსა და მორალურ შეტყობინებებს. მეტი დეტალის გასაგებად ამ ეტაპზე ლოდინი მოგვიწევს, ვიმედოვნოთ საუკეთესოსთვის.