ამდენი ახალი თრეილერის შემყურე ძალიან გახარებული ვიყავი, მაგრამ რაღაც მაინც მაკლდა და ვერ ვხვდებოდი რა იყო ის ერთი რამ რაც მაკლდა და აი ახლა მივხვდი - Star Wars: The Last Jedi-ის პირველი ოფიციალური თიზერ თრეილერი:
ეს ის შემთხვევაა, როდესაც თრეილერში გეუბნებიან თუ რა უნდა გააკეთო რეალურ ცხოვრებაში. "ისუნთქე, უბრალოდ ისუნთქე..." - სწორედ ამას იძახის Luke Skywalker-ი, მართალია ჩვენ არ გვეუბნება, მაგრამ რა მნიშვნელობა აქვს, რადგან თიზერ თრეილერი ხომ სუნთქვის შემკვრელი იყო. არა, მთლად ასე ძალიან მაგარიც არ იყო, მაგრამ კარგია იმის გათვიცნობიერება რომ Star Wars-ის საგას კიდევ ერთი ალბათ შესანიშნავი ფილმი დაემატება.
ამ თიზერიდან გამომდინარე რთულია იმის გაგება თუ რა მოხდება ფილმში, უბრალოდ რამდენიმე სცენა გვაჩვენეს ფილმიდან და სულ ეგაა, მაგრამ პრინციპში სწორედ ამიტომაცაა თიზერი და არა სრულფასოვანი თრეილერი. ახალ Star Wars-ში ყველა ის პერსონაჟი დაბრუნდება ვინც წინა ნაწილში ვნახეთ, რა თქმა უნდა Han Solo-ს გარდა, მას ვეღარ ვიხილავთ, მაგრამ არ ინერვიულოთ მაგაზე ცალკე ფილმს ამზადებენ. ასევე კვლავ ვნახავთ გარდაცვლილ Carrie Fisher-ს პრინცესა Leia-ს როლში, მსახიობმა სიკვდილამდე ფილმში გადაღება მოასწრო, მაგრამ ცუდი ის არის, რომ მას კიდევ რამდენიმე ნაწილში უნდა ეთამაშა და თუ სხვა მსახიობით არ ჩაანაცვლებენ მაშინ შეიძლება მეცხრე ნაწილი არც თუ ისე მალე გამოვიდეს. რა თქმა უნდა Carrie Fisher-ის სიკვდილი საწყენია, მაგრამ Star Wars-ის ფანები ლოდინს მიჩვეულები ვართ. ასევე შესაძლებელია ფილმში ვიხილოთ Tom Hardy.
თიზერიდან გამომდინარე ჩანს, რომ Luke Skywalker-ი Mark Hamill-ის შესრულებით საკმაოდ პესიმისტურად იქნება ყველაფრის მიმართ განწყობილი და განსაკუთრებით Jedi-ების მიმართ იქნება ნეგატიური და თვლის, რომ დროა წერტილი დაესვას Jedi-ებს. ასეთი განწყობა ცუდია, რადგან მან კიდევ ერთი ჯედაი უნდა ავარჯიშოს და ასწავლოს ყველაფერი რაც თვითონ იცის. მაგრამ ფილმის სათაური გვაძლევს საბაბს ვიფიქროთ უფრო ღრმად, თუ Luke Skywalker არის უკანასკნელი ჯედაი, ნიშნავს თუ არა ეს იმას, რომ Rey ვერ გახდება ჯედაი?!
