Jack's Back
დიდი ხნის მოლოდინის შემდეგ Adult Swim-ის არხზე გამოქვეყნდა Samurai Jack-ის მეხუთე და ბოლო სეზონის ტრეილერი და ის სხვანაირია, ვიდრე მოველოდით.
სამურაი ჯეკისთვის უკვე 50 წელი გავიდა და მან მაინც ვერ მოახერხა აკუს დამარცხება, რომელმაც დროის ყველა პორტალი გაანადგურა. ჯეკს, რომელიც არ ბერდება (დროში მოგზაურობის შედეგად), სინდისი აწუხებს, უამრავი წარუმატებელი ცდის შედეგად მან გზა-კვალი დაკარგა და აქვს დეპრესიისმაგვარი სტადია, თუმცა მისთვის თავის გამოსყიდვის დრო დგება და ის მზადაა, თავისი თავგადასავალი დაასრულოს.
ჯეკი წლების მანძილზე შეიცვალა, ბრძოლისთვის ახალი ხრიკებიც ისწავლა
როგორც ადრეულ პოსტებში ვახსენეთ, ეს იქნება უფრო სერიოზული ისტორია, თუმცა ტრეილერიდან გამომდინარე ტონს ყოველთვის მძიმე ხასიათი არ ექნება - ალბათ ტარტაკოვსკიმ გადაწყვიტა ბალანსი შეენარჩუნებინა, ახალი სეზონი ძველი ფანებისთვის ზედმეტად განსხვავებული რომ არ ყოფილიყო. აქ იქნება უფრო მეტი სისხლი, როგორც შეიძლება ტრეილერშიც დაინახოთ. ერთ-ერთ ეპიზოდში ჯეკს ადამიანის მოკვლაც კი მოუწევს.
ამდენი წარუმატებლობის შედეგად ჯეკი მორალურად განადგურებულია
ასევე ერთი გასაკვირი დეტალია, თუ როგორ შენარჩუნდა (რათქმაუნდა უფრო მაღალ ხარისხში) ანიმაციის ხელოვნური სტილი. მეხუთე სეზონი გამოვა 11 მარტს, სულ მალე, და მას ექნება 10 ეპიზოდი. ტრეილერი ქვემოთ :
