Nioh ისევ გაჰყვება Dark Souls-ის ნაკვალევს?
როგორც ყველამ იცით, ახლახანს PlayStation 4-სთვის გამოვიდა Nioh, რომელიც წარმოადგენს Dark Souls-ით შთაგონებულ საბრძლო RPG-ს, ფეოდალური იაპონიის სეტინგით. ამის გამო ზოგიერთმა მას დართო მეტსახელი "Samurai Souls" .
თამაშმა ყურადღება ნამდვილად მიიქცია და ,From Software-ის სერიასთან მსგავსების მიუხედავად, თავისი ვინაობაც კი გამოკვეთა. Nioh-ს დებიუტის წინ მოჰყვა მაღალი შეფასებები და რეკომენდაციები არაერთი გეიმინგ საიტიდან. რათქმაუნდა, ამან PC გეიმერების ყურადღება მიიქცია, რომლებმაც წამოიწყეს პეტიცია, Nioh-ს PC პლატფორმაზე დასაპორტად.
 | |
| Nioh-ს ტაქტიკურმა საბრძოლო სისტემამ დიდი მოწონება დაიმსახურა |
ამ პეტიციის ორგანიზატორები ცდილობენ დაარწმუნონ Koei Tecmo ამ გადაწყვეტილების უპირატესობაში. საამისოდ მათ მოჰყავთ მაგალითად Valkyria Chronicles, Dragon's Dogma: Dark Arisen და რაღათქმაუნდა Dark Souls, რომლებმაც PC პლატფორმაზე არნახულ წარმატებას მიაღწიეს. ამ უკანასკნელთან მსგავსება და მაღალი ხარისხი კი Nioh-სთვის დიდ შანსს წარმოადგენს.
გირჩევთ პეტიციას შეუერთდეთ - ეს ძალიან სწრაფი პროცესია. კიდევ რა თამაშისთვის ისურვებდით ამგვარი პეტიციის ნახვას?
