DC-ს დაანონსებული ფილმების გადაღებები არც ისე კარგად მიდის. მიუხედავად იმისა რომ გადაღებების დაწყებამდე ჯერ კიდევ დიდი დროა ყველაფერი რიგზე მაინც ვერ არის. ფილმ Flash-ის გადაღებებიდან უკვე ორი რეჟისორი გაიქცა იმის გამო რომ გარკვეულ სირთულეებს წააწყდნენ და საერთოდ ფილმი შეიძლება არც გადაიღონ, ხოლო Batman-ის ახალ ფილმზე საერთოდ ლაპარაკიც კი არ ღირს რადგან სცენარი ვერა და ვერ დაიწერა და Ben Affleck-ის თქმით ფილმი რომც გადაიღონ კარგი ვერ იქნება. DC და Warner Bros. მართლაც კარგ ფილმებს იღებენ მაგრამ ვისურვებდი რომ მათაც ისევე ჰქონდეთ ყველაფერი დალაგებული როგორც Marvel-ს, კინოში რომ წახვიდე შანსი არაა ერთი ორი ფილმი Marvel-ის მაინც არ იყოს, სწრაფად იღებენ და საინტერესოდაც, ეს იმის გამო რომ საფუძველი ჰქონდათ, ჰქონდათ ფილმები რომლითაც დაიწყეს და ყველა სუპერგმირი პირველივე ფილმში არ მოგვაყარეს ერთად. აფლეკზე რა გითხრათ მაგრამ მის ნაცვლად სხვები აქტიურობენ, მაგალითად Joe Manganiello რომელიც ფილმის გადაღების შემთხვევაში აუცილებლად ითამაშებს Deathstroke-ის როლს. პერსონაჟი უბრალო არაა და კარგი შესრულება სჭირდება. ამ დღეებში ჯომ გამოაქვეყნა Twitter-ზე Deathstroke-ის ახალი ფოტო სადაც უკეთესად ჩანს კოსტუმი. ვერ ვიტყვი რომ კოსტუმი იდეალურია მაგრამ სერიალ Arrow-ში რო იყო იმას კი ჯობია გაცილებით. მებრძოლს ზურგს უმშვენებს დიდი ზომის ხმალი რომელიც მარტო ჯო მანგანიელოსნაირ "მუტრუკს" თუ მოერგება. ფონად კი თოვლიანი Gotham-ი აარჩიეს, შესაძლოა ფილმში მოქმედება სწორედ ზამთრის თვეებში განვითარდეს და ასე რომ ფილმის საფუძვლად შესაძლოა იქცეს თამაში Batman: Arkham Origins, ეს სავსებით შესაძლებელია ვინაიდან როგორც უკვე ვახსენე ფილმის სცენარი ჯერ არ დაწერილა. მოკლედ მხოლოდ იმის იმედი უნდა გვქონდეს რომ ჩამოყალიბდებიან და ძალიან მაგარ ფილმს გადაიღებენ, ვფიქრობ ბეტმენი ისეთი პერსონაჟი არაა რომელიც ცუდ ფილმს იმსახურებს, თან ნოლანის ფილმების შემდეგ ალბათ გაუჭირდებათ ჩვენი გაოცება.
