ერთდროულად ბევრი რამ დაგვატყდა თავს. არც ისე დიდი ხნის წინ ისიც კი არ ვიცოდით რომ Mojang-ის ცნობილი თამაშის Minecraft-ის მიხედვით ფილმს იღებდნენ და ახლა კი ყველაფერი უკვე გაცილებით ნათელია. დარწმუნებული ვარ სათაური წაკითხული გაქვთ და ალბათ ხვდებით თუ ვის მოუწევს ამ ფილმში მონაწილეობა და Steve Carell-ი შეასრულებს არა რამე უბრალო Villager-ის როლს, არამედ თავად მთავარი პერსონაჟის ასევე Steve-ის როლს. ჯანდაბა... ეს ყველაფერი უფრო და უფრო საინტერესო ხდება და თამაშების მიხედვით ფილმების გადაღება რაღაც ტრადიციად იქცა და ეს ძალიან მომგებიანი საქმეა იმ კომპანიებისთვისაც ვინც ამ თამაშებს ქმნის, იმ კომპანიებისთვისაც ვინც ამ თამაშების მიხედვით ფილმს იღებს და იმ ხალხისთვისაც ვინც ამ თამაშებს თამაშობს, ან უბრალოდ რაიმე საინტერესო ფილმის ყურება სურს. ამ შემთხვევაში დარწმუნებული ვარ, რომ წაგებული არ დარჩება არც Vertigo Entertainment და არც Warner Bros. რადგან სწორედ ისინი იღებენ Minecraft-ს.
Minecraft ძალიან საინტერესო და კრეატიული თამაშია, იგი აძლევს მოთამაშეს შესაძლებლობას რომ თავისი აზრები, თავისი იდეები და წარმოსახვა გადაიტანოს თამაშში და გარდა ამისა თამაში კიდევ უფრო ბევრ საინტერესო რამეს გთავაზობთ, მოკლედ დარწმუნებული ვარ რომ იცით რა არის Minecraft და რამდენად პოპულარული თამაშია ის. ის 2009 წელს შეიქმნა და დღემდე ძალიან აქტიურია მთელი მსოფლიოს მოთამაშეებში და ამას იმითაც მიხვდებით რომ ყოველი მეორე ქართველი "Youtuber"-ი თავისი არხის საფუძვლად სწორედ Minecraft-ს იყენებს. Tetris-ის შემდეგ სწორედ ის ლიდერობს ვიდეო თამაშების გაყიდვებში და დამიჯერეთ რთულია წინააღმდეგობა გაუწიო ისეთ ლეგენდარულ თამაშს როგორიცაა Tetris, და აქვე ვიტყვი რომ სულ ცოტა ხანში Tetris-ზეც ვიხილავთ ფილმს, მაგრამ ჯერჯერობით არც Tetris-ზე ვიცით ბევრი რამ. მოკლედ, გავარკვიეთ თუ რამხელა მნიშვნელობა აქვს Minecraft-ს დღევანდელ მსოფლიოში და ასეთ თამაშს შესაბამისი ფილმიც სჭირდება და ამიტომაც მხოლოდ შესანიშნავი მსახიობი არაა საკმარისი. ფილმის რეჟისორი იქნება Rob McElhenney და ის ასევე ფილმის სცენარზე იმუშავებს Wonder Woman-ის მწერალ Jason Fuchs-თან ერთად.
ფილმის პრემიერა 2019 წლის 24 მაისს შედგება და მანამდე ძალიან, ძალიან დიდი დროა ამიტომ შესაძლებლობა გეძლევათ ააშენოთ თქვენი ოცნების სახლი (ან სასახლე) Minecraft-ში.
