E3 2017 უკვე გაიხსნა და პირველი ვინც წარსდგა მომლოდინე მოთამაშეების უდიდესი არმიის წინაშე გახლავთ Electronic Arts-ი საკუთარი EA Play-თ.
წარმოგიდგენთ პირველი დღის სიახლეებს, თუ რა გვიჩვენა Electronic Arts-მა.
A Way Out,სრულიად ახალი თამაში Brothers: A Tale of Two Sons-ის შემქმნელებისგან.
თამაში გახლავთ კოოპერატიული კრიმინალური დრამა,თამაში წარმოგვიდგენს ორი პატიმრის ციხიდან გაქცევის ისტორიას.მთავარი გმირები არიან ვინსენტი და ლეო ,თითოეულ მათგანს კი აკონტროლებს მოთამაშე .თამაში შესაძლებელია როგორც ქსელში ასევე ერთ მოწყობილობაზე ,გაყოფილი ეკრანით.
A Way Out გამოდის მომავალი წლის დასაწყისში,PC,PS4 და XBOX ONE პლათფორმებზე.
ახალი დამატება Battlefield 1-ისთვის.თამაშს დაემატება რუსული არმია,6 ახალი რუკა,11 სხვადასხვა სახის იარაღი,ახალი მისიები,ახალი ტრანსპორტი,ახალი სათამაშო რეჟიმი,ახალი ჯილდოები,დონეები,თამაშის პარამეტრების ცვლილების ახალი შესაძლებლობა და სხვა.
დამატება In the Name of the Tsar გამოდის წელს სექტემბრის თვეში.
კომპანია BioWare-მ წარმოგვიდგინა საკუთარი ახალი პროექტი სახელწოდებით Anthem.ავტორების თქმით მოთამაშეები შეძლებენ ისიამოვნონ ულამაზესი ხელუხლებელი პეიზაჟებით.მოთამაშეები აღმოჩნდებიან სხვადასხვა საფრთხეების წინაშე.როგორც ჩანს თამაში პოსტ-აპოკალიფსურ სამყაროზე იქნება.
თამაშზე სხვა ინფორმაცია არაა ცნობილი თუმცა შემქმნელები გვპირდებიან რომ თამაშის უფრო ვრცელი ჩვენება გაიმართება Microsoft-ის კონფერენციის დროს რომელიც გაიმართება 12 ივნისს.
ვიხილეთ Need for Speed-ის სერიის გაგრძელების Payback-ის გეიმფლეი ტრეილერი.ვიდეო რგოლში ნაჩვენებია თუ როგორ ცდილობენ თამაშის მთავარი გმირები ტაილერი,ჯესი და მაკი თანამედროვე სუპერ-ავტომობილის გატაცებას.
თამაში გამოდის 10 ნოემბერს PC,PS4 და Xbox One პლათფორმებზე.
Madden NFL 18.პირველად სერიის ისტორიაში ხელმისაწვდომი იქნება სიუჟეტური ხაზი - Longshot.
სიუჟეტი მოგვითხრობს ახალგაზრდა ფეხბურთელის შესახებ რომელიც მიისწრაფვის წარმატებისკენ.ერთ-ერთ როლს ითამაშებს ცნობილი მსახიობი Mahershala Ali.
თამაში გამოდის წელს 25 აგვისტოს PS4-სა და Xbox One პლათფორმებზე.მათ ვინც თამაშს წინასწარ შეუკვეთავს მასზე წვდომას გამოსვლამდე სამი დღით ადრე მიიღებენ.
FIFA 18-ი. ტიზერ ტრეილერი Journey: Hunter Returns საიდანაც ვიგებთ რომ ალექს ჰანთერის ისტორია გრძელდება.
ასევე ვიხილეთ მეორე ვიდეორგოლი სადაც ნაჩვენებია თამაშის სათამაშო პროცესი.
შემქმნელები ახალ ნაწილში გვპირდებიან სრულიად ახალ ანიმაციურ სისტემას Real Player Motion Technology,რომელიც მათი თქმით სერიას უფრო მაღალ დონეზე გადაიყვანს.
FIFA 18 გამოდის წელს 29 სექტემბერს РС,PS3,PS4, Xbox One,Xbox 360 და Nintendo Switch პლათფორმებზე.
კალათბურთის სიმულატორი NBA Live 18.შემქმნელების თქმით განსაკუთრებული ყურადღება დათმობილი იქნება პერსონაჟების პერსონალიზაციაზე.
თამაშში იქნება რეჟიმი The One სადაც მოთამაშეები საკუთარი სურვილისამებრ შესძლებენ პერსონაჟების შექმნას.
ასევე იქნება რეჟიმი streetball სადაც მეგობრებთან ერთად შესძლებთ ქუჩის მატჩებში 5х5-ზე თამაშს.
თამაშის სადემონსტრაციო ვერსია გამოდის აგვისტოს თვეში.
ვიხილეთ Star Wars Battlefront 2 სათამაშო პროცესის ტრეილერი.როგორც ცნობილია ყველა დამატება რომლითაც თამაშს დაემატება ახალი მოქმედების ადგილები,პერსონაჟები,ტრანსპორტი,ახალი რეჟიმები,იარაღი და სხვა იქნება სრულიად უფასო.
Battlefront 2 გამოდის 17 ნოემბერს PC,PS4 და Xbox One პლათფორმებზე.
