და აი გამოვიდა Thor: Ragnarok-ის პირველი ოფიციალური თიზერ თრეილერი! მართალია ალბათ Justice League-ის თრეილერს ნაკლებად უწევს კონკურენციას, მაგრამ ვის რაში ანაღვლებს ეს ხომ თორია და ნუ რაღა თქმა უნდა ჰალკი, თან მითუმეტეს აბჯრით. თუ ჯერ თრეილერი არ გინახავთ, შეგიძლიათ ქვემოთ ნახოთ:
პრინციპში თიზერში არაფერი ისეთი არ უჩვენებიათ, უბრალოდ როგორ იმსხვრევა თორის ურო - Mjolnir-ი Hela-ს - სიკვდილის ქალღმერთის ხელში, როგორ ნადგურდება Asgard-ი, როგორ აჭრიან საცოდავ თორს თავის ოქროსფერ თმებს და როგორ ეტაკებიან არენის გულში ჰალკი და თორი - ეს უკანასკნელი აქამდეც გვქონდა ნანახი, მაგრამ ლოკაცია და აღჭურვილობა სხვა იყო. რადგან ლოკაცია ვახსენე იმაზე მინდა გავამახვილო ყურადღება, რომ ფილმში მოქმედება რამდენიმე პლანეტაზე მოხდება, ერთი რა თქმა უნდა Asgard და ერთიც კონკრეტულად ის პლანეტა სადაც თორს მოუწევს ბრძოლა ჰალკის წინააღმდეგ, ასევე Hela თორის უროს როგორც ჩანს სწორედ დედამიწაზე გაანადგურებს, შესაძლებელია ეს იმის შემდეგ მოხდება რაც Thor-ი და Loki დოქტორი Strange-ის დახმარებით იპოვიან დედამიწაზე Odin-ს. ლოკიც ალბათ ფილმის მნიშვნელოვანი ნაწილი იქნება, იმის მიუხედავად, რომ თიზერი მოკლე იყო მან მაინც მოახერხა რამდენჯერმე გამოჩენა და კარგადაც გრძნობდა თავს, მაშინ როდესაც თორი არენაზე იბრძოდა იგი Grandmaster-ის გვერდით იჯდა და თითქოს არც არაფერი აწუხებდა. ფილმში აშკარად იგრძნობა დაპირებული Retro სტილი, საერთოდ თითქოს ესეც James Gunn-ის გადაღებულია და უბრალოდ Guardians of The Galaxy-ს გაგრძელებაა. რთულია თქვა თუ რამდენად სერიოზული იქნება ფილმი, მაგრამ საკმაოდ იუმორისტული რომ იქნება ეგ აშკარაა. ძალიან მაინტერესებს თუ როგორ მოხვდა Bruce Banner-ი იმ პლანეტაზე.
დარწმუნებული ვარ ყველა ჩვენს კითხვას, ყოველ შემთხვევაში კითხვების დიდ ნაწილს მაინც პასუხი უკვე სრულფასოვანი თრეილერის გამოსვლის შემდეგ ექნება, ასე რომ ველოდებით...
