თამაშების გამომცემელმა Focus Home Interactive (Styx, The Walking Dead, Trackmania), რომელიც ბოლო დროს საშინელება ჟანრს აწვება, გამოაცხადა რელიზის მიახლოებითი თარიღები თავისი ორი თამაშისთვის - Call of Cthulhu-სა და Vampyr-სთვის. ცნობილი გახდა, რომ ორივე გამოვა ამავე წლის ბოლო მეოთხედში. Call of Cthulhu-ს სკრინშოტი
Vampyr-ის შემქმნელია სტუდია Dontnod, ცნობილი 2013-ის Remember Me და 2015-ის Life is Strange თამაშებით.Vampyr იქნება Action-RPG, რომლის სეტინგი ეფუძნება 1918 წლის ლონდონს, როდესაც ქალაქში ეპიდემია ვრცელდებოდა. პროტაგონისტია ექიმი და ვამპირი ჯონათან რეიდი და ლონდონის ნახევრად-ღია სამყაროში მოგიწევთ მისიების შესრულება. შეგიძიათ მთლიანი თამაში გაიაროთ ადამიანთა მოკვლის გარეშე, მაგრამ ასე თქვენ ლეველებში ვერ მოიმატებთ. კადრი Vampyr-ის გეიმპლეიდან
Call of Cthulhu-ს შემქმნელია სტუდია Cyanide (Styx, Space Hulk : Deathwing). თამაში იქნება ფსიქოლოგიური საშინელებათა ჟანრის, RPG ელემენტებით და ექნება ღია სამყარო. პროტაგონისტია დეტექტივი ედვარდ პირსი, რომელიც Darkwater-ის კუნძულებზე ატარებს გამოძიებას ერთ-ერთ სიკვდილთან დაკავშირებით და აღმოაჩენს, რომ მას წინ უფრო დიდი საფრთხე ელის Cthulhu-ს სახით, რომელიც გაღვიძებას აპირებს. Call of Cthulhu-ს უახლესი CGI ტრეილერი და Vampyr-ის გეიმპლეი დემო შეგიძლიათ ქვემოთ იხილოთ.
