სტილი
HTC მუდამ გვაოცებს თავისი დიზაინით. HTC-ის აზრით, Desire 530 ქუჩის სტილისა და მოდის ერთობლიობაა. ყველასთვის ნაცნობ თეთრთან ან შავთან შედარებით, თქვენ გაქვთ შესაძლებლობა ტელეფონის შეძენის შემდეგ მიიღოთ უნიკალური დიზაინის მოდელი.
ტელეფონი კი ხელში უბრალოდ სასიამოვნო მოსარგებელია. მას ასევე მოყვება ხელში სამაგრი, რაც ტელეფონს გამოსაყენებლად უფრო სასიამოვნოს ხდის. თუ ტელეფონთან ერთად ხელში სამაგრს არ ხმარობთ, უბრალოდ არ გაუკეთოთ მას ის.
მონაცემები
HTC Desire 530 იყენებს Snapdragon 210 პროცესორს (რაც საკმარისია პატარა სამუშაოსთვის), Adreno 304 GPU-ს, 2200mAh მოცულობის ელემენტს, აქვს 5" 720p IPS LCD გამოსახულება, 1.5 გბ RAM და 16 გბ შიდა მეხსიერება. 16 გბ შიდა მეხსიერების მომატება microSD card-ით არის შესაძლებელი.
ელემენტი
როგორც უკვე ავღნიშნე ტელეფონს აქვს 2200mAh მოცულობის ელემენტი. ის ძალიან სწრაფად იცლება ტელეფონის გამოყენების დროს. იმდენედაც კი, რომ მეორე დღეს ტელეფონის გამოყენების გარეშეც შეიძლება უკვე დაცლილი იყოს.
ეს პრობლემა იქნება იმათთვის, ვინც ღამით ტელეფონის ელემენტს არ ტენის.
პროგრამული უზრუნველყოფა
მიუხედავად იმისა, რომ Desire 530 იაფფასიანი ტელეფონია, ის Android 6.0 (Marshmallow)-ს იყენებს.
სხვა HTC ტელეფონების მსგავსად, 530-ს აქვს HTC Sense ფუნქცია. HTC Sense საშუალებას გვაძლევს ჩამოვტვირთოთ სხვადასხვა თემები ტელეფონისათვის Sense Theme Store-დან და მივიღოთ ინოფრმაცია Blinkfeed-ის დახმარებით.
კამერა
Desire 530-ის უკანა კამერა 8 მპ-ია, ხოლო წინა კამერა 5 მპ. HTC-ის აზრით წინა კამერის ხარისხი მნიშვნელოვანია, რადგან ჩვენი ცხოვრების მანძილზე დაახლოებით 25 000 სელფის გადავიღებთ.
წინა კამერის შესახებ ლაპარაკის დროს უნდა ავღნიშნო, რომ ტელეფონს აქვს Auto Selfie და Voice Selfie ფუნქცია, რაც ხელების გამოუყენებლად სელფის გადაღების ფუნქციას გვთავაზობს.
შეჯამება
HTC Desire 530 არის იმ ხალხის კატეგორიისთვის, ვისაც სურს იყენებდეს HTC-ის ტელეფონს, ან უბრალოდ ეძებს სმარტფონს $200-ზე იაფ კატეგორიაში. ონლაინ მაღაზიებში Desire 530-ს $160-ის ფარგლებში შეხვდებით.
იაფფასიანი ტელეფონებისთვის ლამაზი დიზაინი იშვიათია. HTC-იმ Desire 530-ით იმას მიაღწია, რასაც სხვა კომპანიები ვერ აღწევენ.
